FONTE: ATLANTICO DIARIO

A Autoridade Portuaria decidiu colocar ao Plan Nouvel nun caixón e optará por outras solucións para ampliar con urxencia a capacidade das terminais ante o incremento do tráfico de cruceristas, o único que crece en plena caída da actividade portuaria.

A presidenta Corina Porro deu instrucións para concentrar todos os esforzos en procura de solucións transitorias a curto prazo e orillar este ambicioso programa encargado por Abel Caballero cando estaba á fronte do Porto. Nin siquiea a versión reducida presentada por Jesús Paz, o antecesor de Porro, resulta unha solución adecuada.

A propia Corina Porro recoñeceu o pasado venres, tras o consello de administración portuario, que o Nouvel suporía no mellor dos casos esperar cinco anos antes de contar cun peirao en condicións de recibir ata tres grandes buques de pasaxe, un tempo que se considera excesivo.

O Nouvel, segundo os cálculos realizados pola Autoridade Portuaria, suporía un investimento estimado nuns 300 millóns de euros na totalidade de actuacións contempladas polo plan, cantidade que agora mesmo non se podería asumir máis que con fondos europeos ou endebedando á institución.

Centrarse en tan só unha parte, alargar o peirao de transatlánticos Alberto Durán (de 600 metros de lonxitude) noutros 450 metros, suporía o investimento duns 60-80 millóns de euros, segundo os números realizados polos técnicos portuarios e cinco anos de obras incluíndo a planificación, impacto ambiental, licitación e construción. Excesivo para as urxencias da cidade neste sector do turismo.

Ademais, a nova presidenta portuaria tampouco está de acordo coa construción da ambiciosa torre de comunicacións no extremo desta terminal, xa que entende que sería un gasto excesivo para crear un edificio de oficinas e servizos que tería que construír outra Administración. Inicialmente, Nouvel expuxo levantar unha torre (O Menhir, denominábaa) similar á Agbar, que agora mesmo é un dos símbolos da nova Barcelona. No deseño definitivo, a petición do Porto, reduciuse a lonxitude do peirao, recortándoo á metade, e tamén se modificou o uso do edificio emblemático, que pasaba a utilizacións propiamente portuarias, para comunicacións, Capitanía Marítima, Salvamento e outros.

O certo é que este ano están prevista 110 escalas cuns 230.000 cruceristas a bordo, un incremento de pasaxeiros do cinco ao dez por cento, pero Vigo non pode crecer máis por falta de terminais adecuadas. Segundo indicouse na recente asemblea celebrada na cidade por Europe Cruise,a organización que agrupa a maioría de portos atlánticos, o sector do turismo marítimo non mostra síntomas de debilidade e agora mesmo a ruta polo Atlántico europeo é xa a quinta a nivel mundial.É máis, dita ruta conta actualmente con amplas posibilidades de seguir gañando terreo, só por detrás do Caribe, Mediterráneo, Báltico e Alaska, que son actualmente as catro máis importantes.

---